د پاکستان او امریکا پوځيانو د جنورۍ پر نهمه د پنجاب صوبې د ګجرات ضلعې په پبي سيمه کې ګډ پوځي تمرينونه پيل کړي دي.
د پاکستان پوځ د عامه اړیکو دفتر (ای اېس پي ار) په خپاره کړي بيان کې ويلي دي چې د ترهګرۍ ضد ملي مرکز کې به دا ګډ پوځي تمرينونه دوې اونۍ روان وي.
بيان زياتوي چې د دې پوځي تمرينونو هدف د ترهګرۍ پر ضد د دواړو هېوادونو د ځواکونو د تجربو او مهارتونو شریکول، او د دواړو خواوو د ترهګرۍ ضد ځواکونو وړتيا لوړول دی.
تر دې وړاندې هم د پاکستان امريکا پوځيانو ګډ پوځي تمرينونه کړي دي. په هغو کې په عرب سمندرګي کې د دواړو هېوادونو د سمندري ځواکونو تمرينونه هم شامل دي.
پاکستان د ترهګرۍ ضد ملي مرکز کې د روسيې له پوځيانو سره هم څو ځلې ګډ پوځي تمرينونه کړي دي.
