خوست کې یو ورځنۍ ولایتي سیالۍ پیل شوې دي
د خوست د کرکټ په ملي لوبغالي کې د افغانستان د کرکټ بورډ په چوکاټ کې د وزیر محمد اکبر لومړۍ درجه یو ورځنۍ ولایتي سیالۍ پیل شوې دي. د جنورۍ پر پينځمه په پیل شويو دغو سیالیو کې ټولې ۱۲ لوبډلې برخه لري، چې شپږ يې په خوست او شپږ نورې يې په ننګرهار کې په خپلو کې لوبېږي. د افغانستان د کرکټ بورډ استازي د یادو لوبو هدف د کرکټ پراختیا او د ځوانو استعدادونو د پرمختګ لپاره د زمینو برابرول یادوي.