په خوست کې د شملې پرتمینه مشاعره ترسره شوه
په خوست کې د شملې کلنۍ مشاعره شوې چې پکې د ا فغانستان د بېلا بېلو برخو ترڅنګ د خیبرپښتونخوا شاعرانو هم برخه اخیستې وه. د مې پر دویمه مشاعرې ته له پښتونخوا ورغلي پیژندل شوي شاعر بخت زاده دانش مشال راډیو ته وویل چې دا ډول مشاعرې او کلتوري غونډې په لر او بر وطن کې مېشتو خلکو ترمینځ د مینې او نږدې والي لپاره ډېرې مهي دي. د صبریو او یعقوبیو په ولسوالۍ کې ترسره شوې دغه مشاعره د شپې تر ناوخته روانه وه. په مشاعره کې ځینو شاعرانو په خوستۍ لهجه کې شعرونه زمزمه کړل چې د اورېدونکو لخوا ډېر وستایل شو. ویډیویي رپورټ