د لاسرسي ځای

تازه خبر

په کلا سیف الله کې ۶ مړي موندل شوي دي


چارواکي وايي، مړي یې د کلا سیف الله له یوې غرییزې سیمې موندلي دي.
چارواکي وايي، مړي یې د کلا سیف الله له یوې غرییزې سیمې موندلي دي.

د بلوچستان په پښتون مېشته سیمه کلا سیف الله کې د شپږو کسانو مړي موندل شوي دي.

د سیمې انتظامیي مشر یاسر بازي مشال راډیو ته وویل چې مړي یې د فبرورۍ پر ۱۲مه د ضلعې په غریزه سیمه کې موندلي دي او داسې ښکاري چې هغه کسان د فبرورۍ پر ۱۱مه شپې مهال ویشتل شوي دی.

هغه وویل په وژل شویو کې یو سوداګر عاصم راحتزی کاکړ هم شامل دی او د نورو کسانو پېژندګلوي لا نه ده شوې.

بازي زیاته کړه چې پولیسو مړي د کلا سیف الله مرکزي روغتون ته لېږدولي دي.

د پولیس چارواکو په وینا، امنیتي سرتېري د پېښې ځای ته ورغلي او پلټنې یې پیل کړي دي. پولیسو لا په پېښه کې د ککړتیا په تور څوک نه دي نیولي او تر اوسه چا د هغو کسانو د وژلو ذمه واري هم نه ده منلې.

د مشال ځانګړې پاڼې

XS
SM
MD
LG