د یعقوبیو ولسوالۍ خلک وړیا درملنه غواړي
په خوست کې یو شمېر خصوصي بنسټونه هغو سیمو ته ګرځنده روغتیايي ټیمونه او درمل لیږي چې خلک يې په خپلو نږدې سیمو کې روغتیايي اسانتیاوې نه لري. دا ځل د خوست یعقوبیو ښارګوټي ته یوه ډله روغتیاپالان ورغلي او هلته يې د شکرې، زړه، لوړ فشار لرونکو او رواني ناروغیو ۳۵۰ ناروغانو کتنه کړې او هغوی ته يې وړیا درمل ورکړي دي. خلک د دې کار هرکلی کوي او له نورو بشرپالو ټولنو او مرستندویه بنسټونو غواړي چې د خلکو اقتصادي ستونزو ته په کتو دې مرستې ورسره وکړي. نور حال په دې ویډیويي راپور کې.