د افغانستان یو پېژندل شوی قاري استاد برکت الله سلیم د جنورۍ په ۲۷مه د ورپېښې ناروغۍ له امله وفات شوی دی.
د استاد برکت الله سلیم یوه شاګرد او همکار قاري رشید مموزي د مشال راډیو افغان څانګې سره په خبرو کې د هغه مړینه تایید کړه او ویې ویل چې د جنازې مراسم یې مازېګر مهال ترسره کېږي.
برکت الله سلیم د وفات پر وخت شاوخوا ۷۶ کاله عمر درلود.
هغه د افغانستان لپاره د قران د تلاوت په بیلابیلو نړیوالو سیالیو کې ګډون کړی او څو واره یې په نړیواله کچه لومړي مقامونه ګټلي.
د افغانستان اکثرې مهمې غونډې او ملي جرګې د قاري برکت الله سلیم له خوا د قرآن مجید په تلاوت سره پیلېدې.
