د بر جنوبي وزيرستان پولیسو او استخباراتي چارواکو مشال راډیو ته ویلي چې هلته د وسله والو په برید کې یو پوځي وژل شوی او دوه نور ټپي شوي دي.
دوی وايي، بريد د دیسمبر پر پينځمه سهار د سره روغې تحصيل پر ځنګل ټاپ پوځي پوستې باندې وشو.
ناقانونه وسلوالې ډلې، تحريک طالبان پاکستان (ټي ټي پي) د بريد ذمه واري منلې ده.
د پاکستان پوځ او تحريک طالبان پاکستان د ډزو د تبادلې پر مهال وسلوالو طالبانو ته د اوښتې مرګژوبلې په اړه څه نه دي ويلي.
