د ترکیې هوايي ځواکونو د عراق په شمال کې د کردستان کارګر ګوند د ۵۸ هدفونو تباه کولو دعوه کړې ده.
دا تر هغې وروسته ده چې هغې وسلوالې ډلې د اکتوبر پر لومړۍ نېټه په انقره کې حکومتي ودانیو ته نېږدې د بمي برید ذمه واري ومنله.
د ترکیې د دفاع وزارت ویلي دي چې د اکتوبر پر څلورمه یې د عراق په شمال کې په متینه، هاکورک، ګارا، قندیل او اسوس سیمو کې په درېیم ځل عملیات کړي دي د کردستان د کارګر ګوند ډېری وسلوال یې وژلي دي.
د ترکیې د بهرنیو چارو وزیر حقان فیضان د اکتوبر پر څلورمه وویل چې په عراق او سوریه (شام) کې د کردانو د کارګر ګوند او د شام د کردانو د ملېشې ټول تاسیسات "قانوني اهداف" دي.
ترکیو رسنیو ویلي دي چې د عراق د دفاع وزیر ثابت العباسي د اکتوبر پر پینځمه له خپل ترکي سیال یاسر ګولار سره د لیدو لپاره د انقرې په سفر دی.
د کردانو کارګر ګوند لا د ترکیې د دعوو په غبرګون کې څه نه دي ویلي.
دا په داسې حال کې ده چې د اکتوبر پر لومړۍ نېټه دوو بریدګرو په انقره کې حکومتي ودانیو ته نېږدې چاودنه کړې وه چې پکې دواړه وسلوال ووژل شول او دوه پولیس سرتېري ژوبل شول.
