د پاکستانۍ روپۍ د ارزښت کمېدو په افغان کروندګرو څه اغېز کړی؟
د افغانستان د غزني ولایت کروندګر او باغوانان وايي د تیرو کلونو پرتله یې سږکال حاصلات ډېر خو ګټه يې کمه ده ځکه چې د تازه مېوو لپاره یې نېږدې او لوی بازار پاکستان دی او د دغه هېواد د کرنسۍ ارزښت کمېدو په نتیجه کې يې د تیرو کلونو په نسبت امدن کم شوی دی. دوی د مېوو او سبزیانو لپاره د یخو خونو د نيشتوالي شکایت هم کوي او وايي چې تازه مېوې او سبزیانې تر ډیره وخته نه شي ساتل کېدای نو ځکه یې پاکستان ته استوي او په کالدارو یې خرڅوي چې په افغانیو کې ډير کم حساب جوړېږي. په دې هکله منورشاه د اې اېف پي له ویډیو دا رپورټ جوړ کړی دی.