پاکستان د نابیناوو د ۲۰ اووره کرکټ د نړیوالې اتلولۍ په پایلوبه کې هند ته په اتو وېکټو ماتې ورکړې ده.
د نابیناوو د نړیوالو لوبو فېډرېشن د اتلولۍ پایلوبه د اګست پر ۲۶مه د برتانیې په برمېنګهم ښار کې وشوه.
هند لومړی بیټېنګ وکړ او په ۲۰ اوورونو کې یې د درو لوبغاړو په سوځېدو ۱۸۴ منډې جوړې کړې.
د پاکستان لوبډلې هدف په ۱۵م اوور کې د دوو لوبغاړو په سوځېدو پوره کړ.
د نابیناوو د نړیوال سپورټ فېډرېشن سږنۍ سیالۍ د اګست پر ۱۸مه په برمېنګهم کې پیل شوې او پر ۲۷مه پای ته ورسېدې. په هغو سیالیو کې د کرکټ ترڅنګ فوټبال، د نښې ویشتل، شطرنج او جوډو ترڅنګ یوشمېر نورې لوبې هم شاملې وې.
