د افريدو جنت څنګه په دوبۍ کې ميليونر شو؟
د خیبر د جنګ ځپلې سيمې، دره ادم خېل جنت افريدي په عمان کې د مياشتې په ۵۰۰ درهمو مزدوري پيل کړې وه. اوس ورسره په دوبۍ کې د ميليونونو درهمو په کاروبار کې ۵۰۰ خلک په کار بوخت دي. هغه کیسه کوي چې څنګه تر دې ځايه ورسېد خو وايي د کامياب کاروبار تر څنګ یې لويه لاس ته راوړنه د لور تعليم دی چې يو کال پس به ډاکټره شي. افريدی او لور یې غواړي چې په وروسته پاتې ادم خېلو دره کې د ښځينه ناروغانو لپاره يو روغتون جوړ کړي. د جنت افريدي له کړاونو تر بریالیتوب کيسه په دې ويډيو کې وګورئ. دا ويډيو د مشال راډيو د همکار، بشير ګواښ جوړو کړو هغو ويډيويي خپرونه برخه ده چې نوموړي په عرب اماراتو کې د پښتنو د ژوند او کار په اړه جوړې کړې دي.
