د افغانستان د فوټسال ملي لوبډلې د لویو وچو جام په سیالیو کې نن د اګست پر اوومه نېټه خپله لومړۍ لوبه د چک جمهوریت پر وړاندې څلور د څلور پر وړاندې مساوي کړه.
د افغانستان فوټبال فېدرېشن ویلي چې یاده سیالي د تایلينډ په بنکاک ښار کې ترسره شوه چې دواړو لوبډلو څلور، څلور ګولونه ووهل. د فېډرېشن په بیان کې راغلي چې افغانستان به په ب ګروپ کې خپله دویمه سیالي د موزمبیق پر وړاندې ترسره کړي.
د لویو وچو دغه سیالۍ به د اګست تر ۱۳مې نیټې دوام وکړي. افغانستان یوه اوونۍ وړاندې د مرکزي اسیا په اتلوليو کې دویم مقام ګټلی وو.
