اوکراین د روسیو ځواکونو پرضد د خپلو تعارضي عملیاتو په لومړیو اوونیو کې سخت زیان لیدلی دی.
امریکايي ورځپاڼې نیو یارک ټایمز ویلي دي چې په جګړه کې د اوکراین ګڼ پوځي ګاډي او ټانکونه ویجاړ شوي دي.
ورځپاڼې د جولای پر ۱۵مه په رپورټ کې د غربي هېوادونو د چارواکو له خولې ویلي دي چې اوکراین د جون په لومړیو دوو اوونیو د اوکراین ۲۰ فیصده تجهیزات زیانمن یا ویجاړ شول. په هغو کې لېپرډ نومي ټانکونه هم شامل دي.
ورځپاڼه البته وايي چې په وروستیو اوونیو کې د اوکراین زیانونه ځکه کم شوي چې ځواکونو یې د جګړې طریقه بدله کړې او پر ځای د دې چې په ټانکونو او ګاډو کې ورشي، له لیرې ځایه یې پر روسیو ځواکونو د توغندیو بریدونه زیات کړي دي.
