د افغانستان او بنګلادېش د کرکټ ملي لوبډلې په دویمه ۲۰ اووره سیالۍ کې یو بل ته مخامخېږي.
د جولای ۱۶مې سیالي د سېلهټ د کرکټ په نړیوال لوبغالي کې د پېښور پر وخت مازیګر پینځه او د کابل پر څلور نیمو پیلېږي.
تر دې مخکې د دوو ۲۰ اووره سیالیو د لوبلړۍ لومړۍ لوبه کوربه بنګلادېش ګټلې وه. د جولای پر ۱۴مه په لومړۍ سیالۍ کې افغان لوبډلې بنګلادېش ته د ۱۵۵ منډو هدف ورکړ. بنګلادېش هغه هدف د ۲۰م اوور پر پینځم توپ پوره کړ او لوبه یې په دوو وېکټو وګټله.
تر دې مخکې افغانستان له بنګلادېشه د یو ورځنیو سیالیو لوبلړۍ ګټلې وه.
