سري لنکا افغانستان ته په دويمه پنځوس اووريزه کرکټ سيالۍ کې په ۱۳۲ رنزونو ماتې ورکړه.
د جون پر څلورمه په همبانټوټا ښار کې په سیالۍ کې سري لنکا لومړی بېټينګ وکړ او په ۵۰ اوورونو کې یې د ۶ لوبغاړو په سوزېدو ۳۲۳ منډې وکړې.
په ځواب کې یې افغان لوبډلې هدف پوره نه کړ او په ۴۳م اوور کې یې د ۱۹۱ منډو په جوړولو ټول لوبغاړي اوټ شول.
د دريوو یو ورځنۍ لوبلړۍ اولنۍ لوبه افغانستان ګټلې وه. ټاکل شوې چې د لوبلړۍ اخري سیالي د جون پر اوومه وشي.
