د افغانستان د کام اېیر والیبال لوبډلې د اسیا اتلانو په سیالیو کې بحرین ته په درې - صفر ماتې ورکړه.
د افغانستان د والیبال استازي کلب لومړی سېټ په ۲۵- ۱۸، دویم په ۲۵- ۱۷ او وروستی هغه یې په ۲۵ - ۲۲ وګاټه.
کام اېیر لوبډله به اوس د ۱۳م مقام ترلاسه کولو لپاره د تایلینډ او یا هم د هانګ کانګ له لوبډلې سره یوه سیالي کوي.
دا په روانو سیالیو کې د کام اېیر لوبډلې دویمه بریا ده.
تر دې مخکې هغې لوبډلې د مې په ۱۹مه نېټه هانګ کانګ ته هم په درې صفر ماتې ورکړې وه.
