سپینې ماڼۍ ویلي چې امریکا نورې داسې نښې لیدلې چې ایران او روسیه دفاعي شراکتداري پراخوي.
د سپينې ماڼۍ په وينا له دې سره به مسکو ته په اوکراین کې د جګړې په اوږدولو کې مرسته ترلاسه شي.
د سپیني ماڼۍ د ملي امنیت ویاند جان کیربي د مې پر ۱۵مه وويل، روسیه هڅه کوي چې له ایرانه نور پرمختللي ډرونونه واخلي او په عین وخت کې ایران هم کوښښ کوي چې له روسیې څخه د اربونو ډالرو پوځي الات واخلي.
ایران روسیې ته د ډرونونو لېږدولو د خبرې پخلی کړی خو وايي چې دا یې ورته د روسیې لخوا پر اوکراین د ۲۰۲۲ز کال تر حملې وړاندی ورکړي ول.
