د ایران د کارګرانو فعاله سپیده قلیان د ستر رهبر پرضد د شعار ورکولو په تور په دوه کاله بند محکومه شوه.
هغه د مارچ پر ۱۵مه د تهران له بدنامه ايوين زندان څخه خوشې شوه او په لاره کې ''خامنه يي ظالمه! موږ به دې په ځمکه کې ښخ کړو'' شعارونه ورکړي ول.
د نوموړې اشاره د ايران ستر مذهبي مشر ايت الله علي خامنه يي ته وه.
د هغې د څرګندونو ویډیو په ټولنیزو رسنیو کې خپره شوه او د هغې له خوشې کېدو څلور ساعته وروسته بیا ونیول شوه.
د سپېدې ورور مهدي قلیان په خپله انسټاګرام پاڼه کې ويلي، چې سپېدې ته دوه کاله بند سزا ورکړل شوې ده.
د ایران عدليې سپېدې د سزا په اړه څه نه دي ويلي.
