د پاکستان او نیوزیلېنډ د کرکټ ملي لوبډلې نن(د مې پر پنځمه) په څلورمه یو ورځنۍ سیالۍ کې یو بل ته مخامخېږي.
د کراچۍ په لوبغالي کې نننۍ سیالي د پېښور پر وخت د ماسپښین پر درې نیمو او د کابل پر درو بجو پیلېږي. دا په داسې حال کې ده چې په درو سیالیو کې تر بریا وروسته پاکستان وار له مخه لوبلړۍ ګټلې ده.
نیوزیلېنډۍ لوبډله د اپرېل له ۱۱مې راهیسې په پاکستان کې ده.
تر یو ورځنیو سیالیو مخکې د دواړو خواوو ترمینځ د پینځو ۲۰ اوریزه سیالیو لوبلړۍ مساوي شوه ځکه چې یوه لوبه د باران له وجې بې نتیجې پاتې شوې وه.
