اروپایي ټولنه غواړي چې پر ایران نوي بندیزونه ولګوي.
د هغو اسنادو له مخې چې مشال راډيو وار له مخه ترلاسه کړې، دا بندیزونه به په ایران کې د مظاهرو پر مهال د خلکو د ځپلو او په هغه هېواد کې د اټومي پروګرام او د اوږده واټن توغندیو په تړاو پر اتو چارواکو او دوو حکومتي بنسټونو ولګول شي.
اټکل کېږي چې د دې بندیزونو اعلان به د اپرېل پر ۲۴مه د اروپایي ټولنې د بهرنیو چارو د وزیرانو د غونډې پر مهال وشي.