د بلوچستان په کچلاغ (کچلاک) سيمه کې د سرحدي عسکرو پر يوه پوسته د وسلوالو په بريد کې دوه سرتېري وژلي شوي دي.
د سرحدي عسکرو يوه چارواکي چې له رسنيو سره يې د خبرو کولو اجازه نه درلوده، د نوم نه څرګندولو په شرط مشال راډيو ته وويل چې پېښه د اپرېل پر څلورمه شپې مهال له کوټې ښاره ۲۵ کېلوميټره ليرې په کچلاغ سيمه کې پر بای پاس سړک شوې ده.
د نوموړي په وينا، د "نامعلومه وسلوالو" په حمله کې يو سرتېری پر همهغه ځای ووژل شو او دويم ژوبل سرتېري شپې په روغتون کې سا ورکړه.
تر دې دمه د بريد مسووليت چا نه منلی.
بلخوا سرحدي ځواک (اېف سي) ويلي چې په پېښه کې یې د ککړو کسانو پر ضد د لټون عمليات پيل کړي دي.
