احسان الله وايي تر ډېرو ازمېښتونو وروسته یې یوه لوبډله کې ځای پیدا کړ
د سوات احسان الله د پاکستان سوپر لیګ (پي اېس اېل) اتم پړاو غوره لوبغاړي انعام ګټلی دی. ۲۰ کلن احسان الله وايي، پلار به یې د کرکټ ازموینو یا ټرایلونو ته بیوه خو ده پر ښه توپ اچونه یا بالېنګ سربېره په لوبډلو کې ځای نه مونده. احسان الله وايي، یو وخت نهیلی شو او کرکټ یې پرېښود خو بیا یې له ځان سره فکر وکړ چې زده کړې یې هم نه دي کړې نو لا زیات زیار یې وایست او بالاخره یې په بېلابېلو لوبډلو کې ځای پیدا کړ. د احسان الله کور د ۲۰۲۲ز کال په سېلابونو کې زیانمن شوی دی. له نوموړي سره بشپړه مرکه وګورئ.
