د اوکراین د پوځ مشرتابه د فبرورۍ ۲۷مه ويلي، روسيې د دې هېواد په ختیځ کې د نويو بريدونو لپاره د خپلو نورو ځواکونو ځای پر ځای کولو چارو ته دوام ورکړی دی.
دا په داسې حال کې ده چې د اوکراین په ختیځ او شمال ختیځ کې اوکرایني او روسي ځواکونه په سخته جګړه بوخت دي.
د اوکراین د پوځ مشرتابه د فبرورۍ پر ۲۷مه په خپلې ورځنۍ خبري غونډه کې وويل، د دوی معلومات ښيي چې نيول شوې لوهانسک سیمې ته له روسټوف سیمې څخه په موقتي توګه نوي ګمارل شوي ۲۰۰ روسي عسکر استول شوي دي.
د اوکراین پوځ زياته کړې، روسيې هوايي بریدونو ته هم دوام ورکړی چې ورڅخه د پوځ په وينا، ۱۲ د ایرانيو ډرون الوتکو او له ۵۵ زیات نور د راکټ ویشتونکي نظام په وسيله وشول.
له دې وړاندې هم د فبرورۍ پر ۲۷مه د اوکراین د غربي برخې چارواکو وویل چې په روسي بریدونو کې د ژغورنې د يوې اوکراينۍ عملیاتي ډلې دوه کارکوونکي ووژل شول. د اوکرايني چارواکو په خبره، پرون په ټول اوکراین کې تر یو ساعت پورې د روسي بریدونو د احتمال له امله خبرداري ورکول کېده.
