یوې ۸۷ کلنې مصرۍ ښځې لیک لوست زده کړ
د مصر د ټولنیز پیوستون وزارت پاخه عمر لرونکو ته د لیک لوست ښوولو بهیر پیل کړی دی او وايي، په راتلونکو درو کلونو کې یو مېلیون کسان باسواده کوي. له همدې نوښت سره سم، د مصر په یوه وړوکي ښار کې یوې ۸۷ کلنې ښځې لیک لوست زده کړی دی. زبیده العال اته بچي او ۱۳ لمسي لري او وايي، په وړوکتوب کې یې پلار له زده کړو منع کړې وه نو ځکه یې په پاخه عمر کې لیک لوست زده کړ. د رویټرز اژانس له ویډیو جوړ رپورټ.