ترکیه او سوریه کې زلزله: ګڼ خلک لا هم د ویجاړو ودانیو لاندې دي

په ترکیې او سوریې (شام) کې زلزلې زرګونه کسان وژلي او اټکل کېږي چې سلګونه نور د ویجاړو ودانیو لاندې پاتې دي. د شام په حلب کې یو کس تر زلزلې وروسته پر لومړۍ ورځ د ړنګې ودانۍ لاندې له بندو کورنیو سره خبرې کړې وې خو اوس د هغوی درک نه شته. هغه وايي، که مرستندویه ډلې ډېرې وي، ښايي کورنۍ یې وژغورل شي. د بندیزونو له کبله له سوریې سره نړیوالې مرستې هم له خنډ او ځنډ سره مخامخېږي. د رویټرز او اې اېف پي اژانسونو له ویډیوګانو جوړ رپورټ.