د برتانیا دفاع وزارت وايي د روسیې پر وړاندې په روان جنګ کې د روزنې د پيلولو لپاره د اوکراين د ټانکونو عمله هلته ورغلې ده.
تر دې څو ورځې مخکې د ناټو غړيو هېوادونو ژمنه وکړه چې اوکراين ته ۱۳۰ ټانکونه ورکوي.
د برتانیې دفاع وزارت د جنورۍ پر ۲۹مه پر ټويټر ليکلي چې اوکراين ته به چيلنجر ۲ ټينکونه ورکړي.
امريکا او جرمني تېره اونۍ سلا شول چې اوکراين ته په ترتيب سره ابرام او ليوپرډ ۲ ټانکونه وليږي.
پولېنډ ويلي چې اوکراين ته به ۶۰ ټينکونه ورکوي. دا پر هغو څوارلسو جرمني جوړو، ليوپرډ ۲ ټانکونو سربیره دي چې پولينډ یې مخکې د ورکولو ژمنه کړې وه.
