مشال راډیو د اورېدونکو پر بیا بیا غوښتنه د جنورۍ له ۲۷مې څخه خپرونې زیاتې کړې او منځنۍ څپه يې بیا فعاله کړه.
د جمعې له ورځې د مشال راډیو خپرونې د پېښور پر وخت د ماښام له شپږو څخه تر اووه، د ماخوستن له نهو تر ۱۰، د شپې له ۱۱ څخه تر ۱۲ او د سهار له څلورو څخه تر شپږو بجو پورې پر منځنۍ څپه ۶۲۱ کېلوهرټڅ خپرېږي.
د مشال راډیو په لنډو څپو ۱۲۱۱۰، ۱۳۵۸۰، ۱۵۷۶۵ او ۱۷۸۸۰ کېلوهرټڅ کې بدلون نه دی راغلی.
اورېدونکي کولای شي چې د پېښور پر وخت د سهار له نهو څخه تر شپږو بجو پورې د مشال راډیو خپرونې پر لنډو څپو واوري.
پر دې سربېره خلک د مشال راډیو د ووبپاڼې او اپلیکېشن له لارې ټولو خپرونو، ویډیوګانو، لیکنو او د اوونۍ کارټون په ګډون نورو مطالبو ته لاسرسی لرلای شي.
