د اوکراین پوځ وايي، روسیو ځواکونو له دریوو اړخونو څخه پرمختګ ته دوام ورکړی دی خو زیاته توجه د هېواد په ختیځ کې بخموت ته ورکوي.
د اوکرایني پوځ مشر د جنورۍ پر ۲۲مه په یو رپورټ کې ویلي دي چې په زپورېژیا، افدیېفکا او لایمن سیمو کې "ناکامه عملیات" شوي دي خو په وینا یې چې اوکراینیو ځواکونو په کوپیانسک، نوفوپاولوفسک او خېرسون کې یې د ځان دفاع ته دوام ورکړی دی.
پوځ ویلي دي چې روسیو ځواکونو د اوکراین په ختیزه سیمه دونباس کې د بخموت ستراتیژیک ښار پر لوري پرمختګ په مهال هوايي بریدونه زیات کړي دي.
دا په داسې حال کې ده چې د فبرورۍ پر ۲۴مه پر اوکراین د روسیې د یرغل یو کال پوره کېږي.
