د خيبر پښتونخوا په دره ادم خېل سيمه کې د ګاډو په ټکر کې ۸ کسان مړه او ۶ ژوبل شوي دي.
د کوهاټ پوليس وياند فصل نعيم د جنورۍ په لومړۍ نېټه مشال ريډيو ته ووويل چې دغه ټکر غرمه مهال، د کوهاټ تونل سره نيږدې د ټرک او وېن ترمنځ شوی دی.
د چارواکو په وينا په پېښه کې وژل شوي کسان د يوې کورنۍ او له کرک څخه پېښور ته روان وو. په وژل شويو کسانو کې درې ښځې، دوه ماشومان او درې سړي شامل دي.
د مرستندويه ډلې ۱۱۲۲ وياند ياسر خان تر مخه په پېښه کې وژل شوي کسان د کرک اوسيدونکي ول چې مړي يې د کرک صابر اباد ته رسولي دي. د هغه په خبره، ژوبل کسان يې شوني کلي سېول هسپتال ته وړي دي.
