د ۲۰۲۲ کال په وروستئ ورځ او د ۲۰۲۳ نوي کال په شپه، روسيوو ځواکونو د اوکراين پر پلازمېنې کېيف ميزایل ویشتلي دي.
د اوکراین پوځ ویلي، دفاعي ځواکونو یې د روسیې له ۲۰ راکټونو ۱۲ راکټونه شنډ کړي دی. تر دې مخکې په کېیف مې درنې چاودنې اورېدل شوې وي.
د اوکرایین د پیاده ځواکونو قومندان اولیکسي پاولوک پر ټېلېګرام لیکلي چې د پلازمېنې په درېیو سیمو کې د یوه هوټل او یوه کور په ګډون ملکي سیمې ویجاړې شوې دي.
د اوکراین په لوېدیځ کې د ميکولايف او خملنيتسکي سيمو په ګډون پر نورو سيمو د روسي ځواکونو له راکټي بريدونو هم راپور هم ورکړل شوى دى.
روسانو د ۲۰۲۲ کال په فرورۍ کې پر اوکراين یرغل کړی دی.
