د لاسرسي ځای

تازه خبر

د افغانستان او سري لنکا دویمه یو ورځنۍ لوبه نن ترسره کېږي


دا تصویر د نومبر پر ۲۵مه د شوې هغې لوبې پر مهال اخیستل شوی چې افغانستان په ۶۰ منډو ګټلې وه.

د افغانستان او سري لنکا د کرکټ د ملي لوبډلو ترمینځ دویمه یوه ورځنۍ سیالي کېږي.

د نومبر ۲۷مې سیالي د درې یو ورځنیو لوبو د لړۍ دویمه هغه ده. په لومړۍ لوبه کې افغانستان کوربه هېواد ته په ۶۰ منډو ماتې ورکړې وه.

دا د کرکټ نړیوال جام ته د وتلو لپاره د سوپر لیګ سیالۍ دي چې سري لنکا یې کوربه ده.

د افغانستان لوبډله دا وخت په سوپر لیګ کې پر اووم نمبر ده او تر اوسه یې له شویو ۱۳ سیالیو څخه ۱۱ ګټلې دي او ۱۱۰ پواینټونه لري.

بل پلو د سري لنکا لوبډله په دې لړ کې پر ۱۰ نمبر ده چې ۱۹ لوبې یې کړې دي او یوازې شپږ یې ګټلې دي.

سوپر لیګ د ۲۰۲۳ز کال د کرکټ ۵۰ اووریز نړیوال جام ته د غواروي پړاو دی.

د کرکټ د نړیوالې شورا پر ووبپاڼه د معلوماتو له مخې، هند په ۲۰ لوبو کې ۱۳ ګټلې دي او وار له مخه د ۵۰ اوورونو نړیوال جام ته وتلی دی.

XS
SM
MD
LG