صالح شاه: د حکومت او تحریک طالبان پاکستان مذاکرات روان دي
په قبايلي سیمو کې د جمعیت علما اسلام مشراو پخوانی سېنېټر صالح شاه وايي چې د پاکستان د حکومت او وسله والې ډلې تحریک طالبان پاکستان تر منځ د مذاکراتو سلسله جاري ده. نوموړي د نومبر پر ۱۸مه له مشال راډیو سره په یوه ځانګړي مرکه کې وویل چې هغه تاثر ناسم دی چې ګواکې له ټي ټي پي سره خبرې اترې ختمې شوې دي. صالح شاه وویل تېره اوونۍ یې له دواړو خواوو سره کتلي دي او هیله ده چې ژر دغه مذاکرات په ښه ډول پای ته ورسېږي. له نوموړي سره د مشال راډیو خبریال ګوهر مسید خبرې کړي دي. تفصیل په بشپړه مرکه کې وګورئ