په پاکستان کې د اکتوبر پر ۱۶مه ترسره شویو ضمني انتخاباتو کې د پاکستان تحریک انصاف مشر د قامي اسمبلۍ په اتو څوکیو کې شپږ څوکۍ ګټلي دي. په پنجاب او سیند کې پیپلز ګوند د تحریک انصاف کاندیدانو ته په ماتې ورکولو سره دوې څوکۍ ګټلي خو په خیبر پښتونخوا کې تحریک انصاف د قامي اسمبلۍ درې واړې څوکۍ په خپل نوم کړي دي. په ضمني انتخاباتو کې د تحریک انصاف د بریالیتوب تر شا څه دي؟ او په راتلونکې انتخاباتو کې ملتپاله عوامي نیشنل ګوند او جمعيت علما اسلام له کومو چېلېنجونو سره مخامخ کېدای شي؟ نن پرې د کرښې پر غاړه خپرونه کې بحث شوی دی.