خيبر پښتونخوا کې سېلابونو څارويو ته سخت زيان رسولی
د خيبر پښتونخوا د مالدارۍ محکمې مشر ډاکټرعالم زيب ويلي دي چې په خيبر پښتونخوا کې سيلابونو څارويو ته هم سخت زيان رسولی دی. نوموړي د سېپټمبر پر دوېمه مشال راډيو ته وويل چې ۶۵۰۰ غواګانې، ۳۰۰۰ میښې، ۷۵۰۰ ګډان او ۵۵۰۰ بيزې سيلابونو لاهو کړي دي. د ده په خبره په ټوله صوبه کې ۱۸۰۰۰ د چرګانو فارمونه هم اغېزمن شوي دي. نوموړی دا خبره په داسي حال کې کوي چې په پاکستان کې د سېلابونو له وجې د وژلو شویو کسانو شمېر له ۱۲۰۰ نه اوښتی دی.