اوکرایني ولسمشر وولودیمیر زېلېنسکي پر خپل دې خبرداري ټینګار کړی چې مسکو ښايي د اوکراین د خپلواکۍ له ۳۱مې کلیزې مخکې د نورو جدي بریدونو لپاره تیاری ونیسي.
دا په داسې حال کې ده چې روسيو ځواکونو د اوکراین په ختیځ او جنوبي سیمو کې بمبارۍ ته دوام ورکړی دی.
د اوکراين د پوځ یو مشر د اګست پر ٢٢مه په خپل ورځني بیان کې وويل چې د روسيې د توپچي او ګڼ راکټ لانچر سېسټمونو په ختيځ بخموت کې د سولېدار، زېڅېف او بېلوهوريفکا په سيمو کې زيانونه اړولي دي.
پوځي چارواکي زیاته کړې چې روسیو ځواکونو د ختیځ لوهانسک او دونېڅک سیمو د بشپړ کنټرول ترلاسه کولو او د خېرسون ښار، خارکیف، زپورېژیا او مېکولاییف د ځینو سیمو نیولو لپاره خپلې هڅې روانې ساتلې دي.
د سیمې والي ویلېنتین رېزنیچېنکو د اګست پر ۲۱مه پر ټېلېګرام لیکلي چې نېکوپول ښار چې د زپورېژیا له اېټمي بټۍ څخه د دنیپر سیند په اوږدو کې پروت دی، تېره شپه پرې په پینځو مختلفو وختونو کې بمباري شوي ده.
