د امریکا شیکاګو ښار ته نېږدې يو کس په ډزو کې لږ تر لږه شپږ تنه وژلي او ۲۴ نور يې ټپیان کړي دي.
چارواکیو ویلي چې دا پېښه د جولای پر څلورمه په داسې وخت کې شوې چې خلک د شیکاګو ښار ته نیږدې په های لېنډ پارک سیمه کې د امریکا د خپلواکۍ ورځې لمانځلو ته راغونډ شوي ول او یو کس ورباندې د يو بام له سره ډزې وکړې.
چارواکي وايي چې د پېښې له ځایه یې تمانچه ترلاسه کړې خو څوک یې نیولي نه دي.
پولیس وايي، دوی د یو داسې سپین پوستي مشکوکه کس په لټون دي چې عمر یې ښايي له ۱۸ تر ۲۰ کالو وي.
