د افغانستان او بنګلادېش د کرکټ لوبډلو ترمینځ لومړۍ ۲۰ اووريزه سيالي د مارچ پر درېیمه کېږي.
د افغانستان کرکټ بورډ د رسنیو د برخې مسوول فرید هوتک د مارچ پر لومړۍ نېټه مشال راډیو ته وویل چې د دواړو هېوادونو ترمینځ دوه ۲۰ اووریزه سیالۍ کېږي. "ټاکل شوې ده چې د افغانستان او بنګلادېش د کرکټ د ملي لوبډلو ترمینځ د ۲۰ اوورنو لوبو لړۍ پنجشنبه پیل شي. د دواړو هېوادونو ترمینځ به د ۲۰ اوورونو دوه نړیوالې لوبې ترسره کېږي. د دغو لوبو لپاره افغان لوبډلې ښه چمتوالی نیولی."
د افغانستان او بنګلادېش ترمینځ دویمه ۲۰ اووریزه لوبه د مارچ پر پينځمه کېږي.
کوربه هېواد بنګلادېش تر دې مخکې د درو یو ورځنیو لوبو لړۍ له افغانستانه وګټله.
