پاکستان له افغانستان سره د ۳،۶۰۰ ټنه غنمو مرسته وکړه
د خیبر انتظامي چارواکي وايي چې د پاکستان له اړخه د تورخم له لارې له افغان وګړو سره د خوراکي توکو د مرستو لړۍ له شاوخوا څلورو مياشتو راهيسې روانه ده. د لنډي کوتل اېډیشنل اسسټنټ کمېشنر اشراف الدین وايي چې له افغان وګړو سره دا مرستې د "پاک افغان همکارۍ تړون" تر انتظام لاندې دوام لري او په دې لړ کې يې د فبرورۍ پر ۲۸مه په ۲۸ لاريو کې بار ۳،۶۰۰ ټنه غنم افغانستان ته ورسول. نور حال د مشال راډيو خبريال فرهاد شينواري په ويډيويي راپور کې وګورئ.