د پاکستان سپرلیګ (پي اېس اېل) په نوم د ۲۰ اوریز کرکټ په ټورنمنټ کې کوټه ګلېډیېټرز لاهور قلندرز ته په اوو وکټونو سره ماتې ورکړه.
دا لوبه چې د فبرورۍ د اوومې نېټې په ماښام د کراچۍ په نېشنل سټېډيم کې وشوه، لاهور قلندرز لومړی بېټنګ وکړ او په ټاکلو ۲۰ اورونو کې يې د پينځو لوبغاړو په سوځېدو ۲۰۴ منډې جوړې کړې. په ځواب کې کوټه ګلېډيېټرز دا هدف په اخري اوور کې د درو لوبغاړو په سوځېدو پوره کړ.
د کوټه ګلېډيېټرز لخوا جيسن رای تر ټولو زيات ۱۱۶ رنزونه جوړ کړل او د لوبې غوره لوبغاړی وګرځول شو.
د اتلولۍ نورې لوبې به د فبرورۍ له ۱۰مې څخه په لاهور کې کېږي. ټاکل شوې چې د پي اېس اېل پايلوبه د فبرورۍ پر ۲۷مه وشي.
