د نوومبر دولسمه (نن) د ازادي راډیو د خبریال محمد الیاس داعي د وژل کېدو لومړی تلین دی چې یو کال وړاندې د هلمند په مرکز لښکرګاه ښار کې د یوه مقناطیسي ماین په چاودنه کې ووژل شو.
د محمد الیاس داعي کشر ورور مدثر دعوت ازادي راډیو ته وویل، د داعي د وژلو یو کار پوره شو، خو لا هم د هغه قاتل او د هغه د وژنې انګېزه ورته معلومه نه شوه.
د وخت حکومت، طالبان د داعي د وژنې مسوول وبلل. یو تورن کس هم په دې تړاو نیول شوی و او د اعتراف ویډیو یې خپره شوې وه.
که څه هم د طالبانو رسمي ویاندویانو د دې پېښې مسوولیت و نه مانه، خو دا پېښه یې و نه غندله.
له محمد الیاس داعي د مهرباني په نوم یوه وړه لور او د هغه مېرمن پاتې دي.
