انډونیشیايي کوډګر د باران مخنیوي لپاره کوډې کوي
په انډونیشیا کې یوشمېر داسې کوډګر دي چې په ولسي غونډو کې د باران مخنیوي لپاره دمونه او دوعاګانې کوي. په هغه هېواد کې اکثر ناڅاپي بارانونه کېږي چې محفلونه، ودونه او نورې ولسي غونډې ګډوډوي. اوس چې په هغه هېواد کې د کورونا وایرس مخنیوي لپاره محدودیتونه نرم شوي او ولسي غونډې بیا پیل شوې دي، نو ځینې خلک تر غونډې مخکې کوډګر وربولي چې د باران نه ورېدو دم وکړي. د رویټرز ویډیويي رپورټ.