د اکتوبر پر ۲۶مه په شارجه کې پاکستان له نیوزیلېنډ څخه د نړیوال شل اوریزه جام خپل دویمه لوبه وګټله.
نیوزیلېنډ لومړی بېټنګ وکړ او د اتو لوبغاړو په سوځېدو یې ۱۳۴ رنزونه جوړ کړل چې په ځواب کې پاکستان د پنځو لوبغاړو په اوټ کېدو دغه هدف ترلاسه کړ او مېچ یې وګټو.
د پاکستان اصف علي پرله پسې دوه چکې ووهلې او په ۱۹م اوور کې د ۱۳۵ رنزونو هدف ترلاسه کړ.
د پرونۍ لوبې غوره لوبغاړې حارث رووف وګرځېد چې څلور کسان یې اوټ کړل.
ټاکل شوې ده چې د اکتوبر پر ۲۹مه به د پاکستان او افغانستان ترمنځ لوبه وي.
د اکتوبر پر ۲۵مه افغانستان د کرکټ په نړیوال شل اوورزه جام کې له سکاټلنډه خپله لومړۍ لوبه وګټله.
نن د اکتوبر پر ۲۷مه د بنګلادېش او انګلېنډ ترمنځ او د سکاټلېنډ او نمیبیا تر منځ لوبې وي.
