د لاسرسي ځای

تازه خبر

د افغانستان لپاره د امریکا ځانګړی استازی زلمی خلیلزاد استعفا ورکړه


زلمی خلیلزاد

زلمي خلیلزاد د افغانستان لپاره د امریکا د بهرنیو چارو وزارت د ځانګړي استازي له دندې استعفا ورکړې.

بېګا د امریکا د بهرنیو چارو وزیر انتوني بلېنکن دا اعلان وکړ.

بلېنکن له خلیلزاده مننه کړې چې د ده په خبره لسیزې یې د امریکا متحده ایالاتونو لپاره نه ستړی کېدونکی خدمت وکړ.

بلېنکن دا هم ویلي چې توماس ویسټ به د افغانستان لپاره د ځانګړي استازي دنده مخته وړي.

زلمی خلیلزاد په افغانستان کې د امریکا د پوځي ماموریت تر رسمي پای ته رسېدو شااوخوا دوه میاشتې وروسته خپله دنده پرېښې.

خلیلزاد ۲۰۱۸ کال د افغانستان د سولې لپاره د امریکا د بهرنیو چارو وزارت ځانګړی استازی ټاکل شوی و.

هغه له طالبانو سره د امریکا د ۲۰۲۰ میلادي کال د فبروري عمده تړون ته زمینه برابره کړه چې په نتیجه کې یې امریکا سږ کال د اګسټ تر پایه له افغانستانه ووتله.

ځانګړې پاڼې

له موږ سره اړیکي

XS
SM
MD
LG