د لاسرسي ځای

تازه خبر

کوټه کې د انلاین ټېسټونو پرضد د زده کوونکو پرلت دوام لري


زده کوونکي وايي، د بلوچستان په مېډیکل کالجونو کې دې د داخلې ټېسټونه انلاین نه بلکې په پخوانۍ طریقه واخيستل شي. انځور- ارشیف

په کوټه کې له تېرو درېوو ورځو راهیسې د زده کوونکو لخوا د انلاین داخلې ټېسټونو پرضد احتجاجي پرلت روان دي.

د کوټې پرېس کلب مخې ته دا احتجاج د سېپټېمبر ۲۹مه تر سره شو چې پکې د پوهنتونونو او کالجونو ګڼو زده کوونکو برخه لرله.

پر دې مهال یوه زده کوونکي افتخار حسین مشال راډیو ته وویل، "زموږ غوښتنه دا ده چې د بلوچستان په مېډیکل کالجونو کې داخله د انلاین له لارې نه بلکې په پخوانۍ طریقه واخيستل شي."

دغه زده کوونکي بیا وايي، تر هغو خپل احتجاج نه ختموي چې غوښتنې یې نه وي منل شوې.

د بلوچستان حکومت ویاند لیاقت شاهواني د زده کوونکو غوښتنه سمه وبله او ویې ویل چې په دې اړه به د پاکستان میډیکل کمیشن له چارواکو سره خبرې کوي.

په بلوچستان کې زده کوونکي د صوبې په میډیکل کالجونو کې د داخلو پر طریقه کار له تېرو درېيو میاشتو راهیسې په احتجاج دي. د سېپټېمبر پر ۲۴مه یو شېمر زده کوونکي د احتجاج پر مهال د پولیسو لخوا نیول شوي ول چې وروسته یې بیا خوشې کړل شو.

د فېسبوک تبصرې

XS
SM
MD
LG