د لاسرسي ځای

تازه خبر

په پاکستان کې د بورې میلونو د ۴۴ اربه روپیو جرمانه رد کړې ده


د پاکستان مرکزي حکومت په ۲۰۲۰م کال کې اوو ادارو ته امر کړی وو چې د بورې نرخونو د بحران په اړه پلټنې وکړي.

په پاکستان کې د بورې میلونو اتحادیې د مسابقو کمېشن هغه پرېکړه رد کړې ده چې دوی یې ۴۴ اربه روپۍ جرمانه کړي دي.

د یادې اتحادیې یو مخکښ د نوم نه ښودلو په شرط د اګست پر ۱۴مه مشال راډیو ته وویل دا یو لانجمنه پرېکړه ده او دوی به یې پرضد عدالت ته ځي.

دا له هغه وروسته ده چې په پاکستان کې د سیالۍ یا مسابقو کمېشن په ملک کې د بورې نرخونو زیاتولو په اړه د کړو پلټنو رپورټ د اګست پر ۱۳مه خپور کړ.

یاد کمېشن د بورې میلونه له دې کبله ۴۴ اربه روپۍ جرمانه کړي دي چې ګواکې د بورې په نرخ زیاتولو کې یې له قانونه سرغړونه کړې ده.

یاد کمېشن ویلي چې د بورې میلیونو اتحادیې غړو په خپل منځ کې په سلا مشوره د بورې نرخ زیات کړی وو کوم چې د پاکستان د ۲۰۱۰م کال مسابقې له قانونه سرغړونه ده.

د پاکستان مرکزي حکومت په ۲۰۲۰م کال کې اوو ادارو ته امر کړی وو چې د بورې نرخونو د بحران په اړه پلټنې وکړي.

په دې ادارو کې د پاکستان مسابقې کمیشن، د تحقیقاتو وفاقي اداره، د احتساب قامي اداره او سټیټ بانک هم شامل وو.

XS
SM
MD
LG