چارواکي په لغمان ولایت کې له ۱۰ څخه د زیاتو وسله والو د وژلو ادعا کوي.
په لغمان ولايت کې د ۲۰۱ سیلاب قل اردو ویاند سید مقصود اغا د اګست پر پنځمه مشال راډيو ته وویل چې د اګسټ پر څلورمه ګډو دفاعي امنيتي ځواکونو د هغه ولايت د علینګار ولسوالۍ ارمل او کندې سيمو کې پر طالبانو بريدونه وکړل چې شپږ يې ووژل او ۱۰ نور يې ژوبل کړل.
بلخوا د افغانستان د ملي امنيت ځواکونه د لغمان بادپښ ولسوالي بيرته له طالبانو د نيولو ادعا کړې.
د ملي امنیت ۰۲ قطعې د اګست پر پنځه په يوه خبرپاڼه کې، تېره شپه د هغې ولسوالۍ د بېرته نېولو په عملیاتو کې د اوه طالب وسله والو د وژنې ادعا هم کړې ده.
طالبانو تر اوسه د دواړو پېښو په اړه څه نه دي ويلي خو دې ډلې په وروستیو څو میاشتو کې د لغمان په ګډون څو ولایتونو کې ګڼې ولسوالۍ له افغان حکومت څخه نیولې دي.
