د پاکستان پوځ وايي، په چترال کې ۴۶ افغان سرتېري له پولې ور اوښتي دي.
د پوځ د عامه اړیکو دفتر د جولای پر ۲۵مه وویل چې شپې مهال افغان سرتېري د چترال ارندو ته ورواوښتل او له پاکستانیو سرحدي ځواکونو څخه یې پناه وغوښته.
بیان وايي، افغان سرتېرو د طالب وسله والو تر برید وروسته خپلې پوستې پرېښې وې.
د پوځ بیان زیاتوي چې تر دفتري کارروایۍ وروسته ټول افغان سرتېري د افغانستان دفاع وزارت ته سپاري.
