د لاسرسي ځای

تازه خبر

بلوچستان: د هرنايي په ښارګه کې زهرجن ګیس څلور کان کیدونکي وژلي


د پاکستان ماين لېبر فیډریشن وايي، روان کال د بلوچستان د کويلې په کانونو کې په رامنځ ته شوو پېښو کي تر ۶۰ زیات کان کیندونکي وژل شوي دي.

په بلوچستان کې د ماينونو د معاينې چارواکي وايي چې د جولای پر ۲۴مه د هرنايي په ښارګه سیمه کې د سکرو په یو کان کې د زهرجن ګیسونو جمع کيدو له امله څلور کان کېدونکي وژل شوي دي.

د امدادي کارکوونکو په خبره د څو ساعتونو د هلو ځلو پس د دغو مړو شوو کان کیندونکو جسدونه را ايستل شوي دي.

چارواکي وايي چې دا مړه شوي کان کیندونکي د بلوچستان د قلعه عبدالله ضلعې او خيبر پښتونخوا دي.

په کوټه کي د پاکستان ماين لېبر فیډریشن مشر سلطان لالا وايي، په روان کال کې د بلوچستان د کويلې په کانونو کې په رامنځته شویو پېښو کي تر ۶۰ زیات کان کیندونکي وژل شوي دي.

د دوی په وینا، د دې لوی علت د سکرو په زیاتره کانونو کي د حفاظتي انتظاماتو نشتوالی دی.

XS
SM
MD
LG