له دې سره په هغه هېواد کې تېر کال په مارچ کې د وبا له پیل راهیسې د ټولو وړجنو کسانو رسمي شمېر تر یو میلیون واوښت.
د کورونا وایرس وبا په اړه حکومتي ووبپاڼې د جولای پر ۲۳مه سهار وویل چې کووېډ-۱۹ ناروغۍ په تېرو ۲۴ ساعتونو کې ۱۱ کسان وژلي دي چې ورسره د مړو ټول شمېر ۲۲۹۳۹ ته لوړ شوی دی.
خو د وبا له پیل راهیسې تر نهه لکه ۲۰۰۰۰ زیات کسان له ناروغۍ رغېدلي هم دي.
ووبپاڼې دا ارقام پر داسې مهال خپاره کړي چې د وبا د څار ملي ادارې خبرداری ورکړی دی چې د کورونا وایرس ډېلټا یا هندۍ بڼې هېواد د وبا د څلورمې څپې له خطر سره مخامخ کړی دی.
د پاکستان ولسمشر او وزیراعظم د جولای پر ۲۱مه په پیغامونو کې پر ولس غږ وکړ چې د اختر پر مهال احتیاطي لارښوونې عملي کړي.
د کورونا وایرس ډېلټا بڼې په اړه ویل کېږي چې د وایرس د نورو اشکالو پرتله په چټکۍ خپرېږي او د نړیوالو روغتیايي چارواکو په وینا تر اوسه شاوخوا ۸۵ ته هېوادونو خپره شوې چې پکې تر ټولو زیاتې پېښې په برتانیا، پرتګال او جنوبي افریقا کې ثبت شوې دي.
