د پاکستان رويت هلال کمېټۍ اعلان کړی چې لوی اختر به د جولای پر ۲۱ مه نېټه وي.
پرون په کراچۍ کې د رويت هلال کمېټۍ غړو د موسمياتو ادارې په مرکزي دفتر کې د ذوالحجه مياشت د لېدو لپاره غونډه وکړه.
وروسته د کمېټۍ مشر محمد عبدالخبير ازاد خبرې غونډې ته وويل چې مياشت نه ده ليدل شوې.
ده وویل، "د پاکستان له هيڅ يوې سيمې څخه هم د مياشتې د ليدو شهادت ترلاسه نشو نو ځکه په اتفاق رايې سره فيصله وشوه چې لومړۍذوالجه به د جولای پر ۱۱مه او لوی اختر به د جولای پر ۲۱مه نېټه وي."
په غونډه کې موسمياتو محکمې او د انفارمېشن ټېکنالوجۍ د وزارت چارواکو هم ګډون وکړ.